Síðasti vordagurinn og útskrift

Félagarnir Unnar, Björgvin og Jónatan

Þá er síðasti skóladagurinn liðinn.  Byrjað var í náttúruskoðun inn við Flögu í Breiðdal og gengið um svæðið.  Það var ekki eins bjart yfir og hina dagana, en nemendur létu það ekki á sig fá og tóku fullan þátt.  Í hádeginu var grill- og ísveisla.  Að endingu fengu nemendur verðlaun fyrir vordaga, ásamt vitnisburði vetrarins.  Í lokin voru tveir nemendur úr 10. bekk, útskrifaðir úr skólanum og óskum við þeim velfarnaðar á vegferð sinni framundan.  Þeir færðu Björgvin Val, umsjónarkennara sínum þakklætisvott fyrir samstarfið.  Að sjálfsögðu var það matarkarfa með "vegan" góðgæti.  Björgvin Valur var að sjálfsögðu mjög hrærður og sáust tár á hvarmi.  Hér má sjá myndir úr ferðinni.