Ratleikur og hjólaþrautir

Vordagar héldu áfram í dag og að þessu sinni vorum við á Stöðvarfirði.  Á dagskrá voru ratleikur og hjólaþrautir og svo sund á eftir.

Krakkarnir voru eldsnöggir í gegnum ratleikinn en þar fengu þau vísbendingar í bundnu máli, átta talsins, og var þeim fyrirlagt að taka mynd af hópnum við staðina átta sem í vísbendingunum var að finna.

Hjólaþrautirnar gengu vel en á skólavellinum var komið fyrir þrautabraut sem allir áttu að hjóla í gegnum.  Börnunum gekk misvel að fara í gegnum þrautirnar en að lokum stóðu uppi þrír sigurvegarar, einn af hverju stigi.  Nöfn þeirra verða þó ekki gerð heyrinkunnung fyrr en á skólaslitunum sem verða á morgun og hið sama gildir um ratleikinn.

Að lokum er vert að geta þess að það blotnuðu allir sem fóru ofan í sundlaugina eða heita pottinn.

Hérna eru myndir frá deginum.