Jarðfræði í Breiðdal

Í morgun fóru nemendur á unglingastigi í jarðfræðiferð um Breiðdalinn, undir leiðsögn Helgu Maríu Guðmundsdóttur verkefnisstjóra við Rannsóknarsetur Háskóla Íslands á Breiðdalsvík.

Fyrst var farið að Gljúfraborg þar sem nemendur voru leiddir í allan sannleika um það hvernig stallarnir og jarðlögin í fjöllunum mynduðust og að því loknu var stoppað við Jórvík sem er í Breiðdalseldstöðinni miðri.  

Næst var ekið upp í Breiðdalsheiði þar sem sést hvernig yngri eldstöð hefur að hluta til kaffært Breiðdalseldstöðina og að lokum var haldið út á Streitishvarf þar sem skoðaðir voru berggangar og jarðmyndanir við þá.

Allir höfðu gagn og gaman að og ekki spillti fyrir að fá svo gómsætan fisk í skólanum þegar komið var til baka.

Haldið þið virkilega að við höfum tekið neinar myndir?  Það er rangt, því þær er að finna hérna.