Heimsókn í Skaftfell

Fimmtudaginn 13. sept. heimsóttu nemendur úr 6. - 7. bekk , Skaftfell á Seyðisfirði.  Þar fengu nemendur kynningu á listamönnunum Gunnlaugi Scheving og Nínu Tryggvadóttur.  Er þetta verkefni hluti af Bras - Menningarhátíð barna og ungmenna á Austurlandi og List fyrir alla.  Fóru nemendur Breiðdals- og Stöðvarfjarðarskóla, ásamt nemendum úr Grunnskóla Fáskrúðsfjarðar saman í rútu og nutu fræðslunnar saman.  Eftir verkefnavinnuna fengu allir pizzu, áður en haldið var heim á leið.