Fyrsta vikan

Nú er fyrsta vika skólaársins að baki og allir virðast koma vel undan sumri.  Fyrstu fjóra dagana var kennt á Breiðdalsvík því enn standa yfir framkvæmdir í skólahúsinu á Stöðvarfirði.  Í dag, föstudag, fór skólastarf þó fram á báðum stöðum.

Eins og gengur var fyrsta vikan í frjálslegri kantinum því veðurblíðan var með eindæmum mikil og því ómögulegt að hanga inni alla daga.

Nenemdur og starfsfólk fóru í ýmiskonar ævintýraferðir; gönguferð um Breiðdalsvík, berjamór, fjallaganga upp í Drangagil í Breiðdal þar sem líka voru snæddir einhverjir lítrar af berjum og plöntuskoðunarferð í Nýgræðingi á Stöðvarfirði.

En ein mynd segir víst meira en þúsund orð og ef þú smellir á þessa línu, ætti að opnast fyrir þér undraheimur mörg þúsund orða.  Margar myndir, altsvo.