Lömb og sandkastalar

Í dag var fyrsti vordagur í starfi skólans að þessu sinni.  Við skruppum fyrst í fjárhúsin á Þverhamri þar sem Jórunn og Arnór tóku á móti okkur.

Sauðburði er um það bil að ljúka á Þverhamri en því miður bar engin kind á meðan við vorum þar.  Lömbin sem voru komin í heiminn og jörmuðu alsæl í skjóli mæðra sinna, slógu í gegn hjá börnunum sem sum eru reyndar alvön sveitastörfum.

Eftir pylsupartí í skólanum var svo haldið út á Meleyri í hressandi rigningu en þar reis hver glæsilegi sandkastalinn á fætur öðrum.  

Auðvitað voru kennararninr með síma og tóku myndir; hér eru nokkrar, gjörið þið svo vel.